Papyri.info

sign in

chr.mitt.86 = HGV BGU 1 136 = Trismegistos 20196 = bgu.1.136



DDbDP transcription: chr.mitt.86 [xml]

AD135 Memphis
[Reprinted from: bgu.1.136] BGU1,136

[ἀντί]γραφον ὑπ[ομν]ηματισμοῦ. ἐξ [ὑπο]μνηματισμῶν
[  ̣  ̣  ̣  ̣]ου Κλαυδίου Φιλοξένου ἀρχιδικαστοῦ. (ἔτους) ιθ Αὐτοκράτορο[ς]
[Καίσαρ]ος Τραιανοῦ Ἁδριανοῦ Σεβαστοῦ Φαμενὼθ κη ἐν Μέμφι
[ἐπὶ τοῦ βή]ματος. Ταποντὼς διʼ ἐκδίκου Πασίωνος \(hand 2) τοῦ ἀνδρὸς/ (hand 1) πρὸς Φανομγέα
5[καὶ   ̣  ̣]θέα. Βερνεικιανοῦ ῥήτορος εἰπόντος Πεθέα πάππον τῆς
[συνηγ]ορουμένης πατέρα δὲ τῶν ἀντιδίκων ἔχοντα πρεσβύτα-
[τον υἱ]ὸν ὁμυώνυμον(*) ἑαυτῷ τὸν πατέρα ταύτης τετελευτηκέναι,
[κατὰ δὲ] τοὺς νόμους τῆς τῶν ὑπαρχόντων διμοιρίας ἀντιλαμβανό-
[μενον] ἐκεῖνον εἰς τὴν συνηγορουμένην ἀφήλικα ο[ὖσ]αν συντετα-
10[χέναι] καταγραφὰς ὑπαρχόντων, ἀποθανόν[το]ς δὲ το[ὺ]ς ἀντιδίκους
[θείου]ς τῆς παιδὸς ἐνσεσικέναι(*) ἑαυτ[ο]ὺς τῇ ἐπ[ιτ]ροπῇ κα[ὶ] πάν-
[των ἀντ]ιλαμβαν[ομ]ένους μήτε λόγους τετάχθαι μήτε γραφὴν
[τῶν κατα]λειφθέντων κατακεχωρικέναι μήτε τροφὰς τῇ ἐπι-
[τροπευθ]είσῃ κεχορηγηκέναι. Διον[υσί]ο[υ] καὶ Ἁρποκρατίωνος ῥητ(όρων)
15[ἀποκρι]ναμένων ὀνηλάτην δημόσιο[ν ὄ]ν̣τα τὸν τῆς ἀντιδίκου
[πατέρα] μ̣ετέορα(*) πολλὰ καταλ[ελο]ιπέναι, διʼ ἃ τοὺς συνηγορουμένους
[ἠναγκάσ]θαι τῶν πραγμάτων ἀντιλαμβάνεσθαι, ζημείας οὖν ὑπο-
[μένον]τες(*) εἰς τοῦτον τὸν λόγον ἀξιοῦν, εἰ βούλεται ἡ ἀντίδικος
[κατασχ]εῖν τὰ πατρῷα παραδοχὴν γενέσθαι τῶν δαπανῶν αὐ-
20[τῶν, δια]βεβαιουμένου τοῦ Πασίωνος μὴ γεγονέναι τὸν πατέρα
[τῆς ἐκ]δικουμένης ὀνηλάτην, Κλαύδιος Φιλόξενος νεοκόρος(*)
[τοῦ μεγ]άλου Σαράπιδος γενόμενος ἔπαρχος σπείρης πρώτης
[Δαμασ]κηνῶν τῶν ἐν τῷ Μουσείῳ σιτουμένων ἀτελῶν
[ἱερεὺ]ς καὶ ἀρχιδικαστής· ὁ τοῦ νομοῦ στρατηγὸς ἐξετάσι(*)
25[περὶ το]ύτου, κἂν(*) φανῶσι οἱ περὶ τὸν Φανομγέα κατὰ ταύτην
[τὴν αἰ]τίαν ἀντειλημμένοι τῶν πατρῴων, τῆς ἐκκαλούσης,
[ἀποκα]τ̣ασταθῆναι αὐτῇ ποιήσει τὰ προσήκοντα. ἀνέγνων.

Apparatus


^ 7. l. ὁμώνυμον
^ 11. l. ἐνσεσεικέναι
^ 16. l. μετέωρα
^ 17-18. l. ὑπο|[μένον]τας
^ 21. l. νεωκόρος
^ 24. l. ἐξετάσει
^ 25. l. καὶ ἐὰν

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.