Papyri.info

sign in

p.cair.zen.2.59150 = HGV P.Cair. Zen. 2 59150 = Trismegistos 798 = oxford-ipap.apis.632 = sb.3.6732



DDbDP transcription: p.cair.zen.2.59150 [xml]

256BC Philadelphia
[Reprinted from: sb.3.6732] SB3,6732;PEdg26

r
Θεόδωρος Ζήνωνι χαίρειν. ἐν τῶι
κη (ἔτους) κατήχθησαν ἡμῖν εἰς Ἀλεξάνδρειαν
ἃς ἐμετρήσαμεν ἐκ τῆς χώρας
πυρῶν ἀρτάβαι ἐνενήκοντα .
5τούτων μεμετρήμεθα σοῦ συντάξαντος
παρʼ Ἀρτεμιδώρου τοῦ ἐν Ἀλεξανδρείαι
Ξανδικοῦ ια ἀρ(τάβην) α, εἰκάδι ἀρ(τάβας) δ,
τριακάδι ἀρ(τάβας) ι, Ἀρτεμισίου ἕκτηι ἐπʼ εἰκάδι ἀρ(τάβας) ι,
Λωίου πέμπτηι ἀρ(τάβας) λ, (γίνονται) πυρ(οῦ) ἀρ(τάβαι) νε, καὶ
10προσοφείλονται ἡμῖν παρὰ σοὶ πυρῶν ἀρ(τάβαι) λε.
καλῶς ἂν οὖν ποήσαις(*) γράψας παρʼ οὗ
κομιούμεθα ἐν Ἀλεξανδρείαι. προκεχρη-
μένοι γὰρ σῖτον παρʼ Ἀρτεμιδώρου τοῦ
γραμματέως σπουδάζομεν ἀποδοῦναι.
15καί νῦν δʼ ἐπιδημήσαντες ἐν Ἀλε-
ξανδρείαι τὸν ἐπὶ τῆς οἰκίας Ἀρτεμίδωρον
ἀπηιτοῦμεν(*) λέγοντές σε προσοφείλειν,
ὁ δʼ οὐκ ἔφη πρὸς αὑτὸν εἶναι περὶ τούτων
οὐδὲ προσέξειν ἐὰν γράφηις. ὥστε φρόντισον
20περὶ τῆς κομιδῆς, ἵνα μὴ σοὶ τὴν τιμὴν
κατὰ τὸ δίκαιον ἀνατιθῶμεν, εἰ μὴ
νὴ Δῖα ε̣ὐκρινεῖς τοὺς μὲν λοιποὺς καὶ \τὸ ἔσχατον/ τοῦς
περὶ Σιμύλον ἀπειληφέναι, τὸ δʼ ἡμῖν γινόμενον
ἐλλιπεῖν παρὰ σοῦ. φησὶ δὲ καὶ Ἀρτεμίδωρος
25ὁ γραμματεὺς σοῦ γράψαντος ὅπως μετρήσηται
μηθένα προσεσχηκέναι.
ἔρρωσο.
v
(ἔτους(?)) λ, [Λωὶ]ου β, Μεσορὴ β.
[Θεό]δ̣ωρος σιταρίου.
Ζήνωνι.

Apparatus


^ r.11. l. ποιήσαις
^ r.17. l. ἀπῃτοῦμεν

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.