Papyri.info

sign in

p.eleph.3intdupl = HGV P.Eleph. 3 = Trismegistos 5838



DDbDP transcription: p.eleph.3intdupl [xml]

284/283BC Elephantine

r
βασιλεύοντος Πτολεμαίου (ἔτους) μα ἐφʼ ἱερέως εὐρέου τοῦ Προίτου τῶι γ (ἔτει) μηνὸς Ἀρτεμισίου
κατέβαλεν Ἐλάφιον Σύρα μετὰ κυρίου Παντάρκους Ἀντιπάτρωι Ἀρκάδι τροφεῖα ὑπὲρ αὑτῆς ἀργυρίου (δραχμὰς) τ.
μὴ ἐξέστω δὲ Ἀντιπάτρωι ἐπελθεῖν ἐπʼ Ἐλάφιον εἰσπράττοντι τροφεῖα ἢ καταδουλούμενον(*) παρευρέσει
μηδεμιᾶι μηδʼ ἄλλωι ὑπὲρ Ἀντιπάτρου. εἰ δὲ μὴ ἥ τʼ(*) ἔφοδος αὐτοῖς ἄκυρος ἔστω καὶ ἀποτεισάτω
5Ἀντίπατρος Ἐλαφίωι ἢ τῶι ὑπὲρ Ἐλαφίου πορευομένωι ἐπίτιμον (δραχμὰς) Γ. ἡ δέ συγγραφὴ(*) ἥδε κυρία ἔστω
πανταχῆι οὗ ἂν ἐπιφέρηι Ἐλάφιον κατʼ Ἀντιπάτρου ἢ ἄλλος ὑπὲρ Ἐλαφίου πράσσων καθάπερ Ἐλαφίωι
γέγραπται. μάρτυρες Παγκράτης Ἀρκάς, Καφισίας Φωκεύς, Δίφιλος Φωκεύς, Ἐπίνικος Χαλκιδεύς,
Ἀθηναγόρας Ἀλεξανδρεύς, Ξενοκλῆς Ῥόδιος
v
Παγκρά-
τους
(seal)
Ἀντιπάτρου
Διφίλου
συγγραφοφύλαξ
Παγκράτης
Ἐπινίκου
(seal)
Ξενοκλέους
Καφισίου
Ἀθηναγόρου

Apparatus


^ r.3. or καταλουμενον
^ r.4. or τε
^ r.5. l. συνγραφὴ

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.