Papyri.info

sign in

p.harr.1.68Atripl = HGV P.Harr. 1 68 = Trismegistos 11439



DDbDP transcription: p.harr.1.68Atripl [xml]

AD 225 Arsinoite
[Reprinted from: .] tripl=PHarr1,68B;PDiog18

Αὐρηλίῳ Διδύμῳ στρ(ατηγῷ) Ἀρσ(ινοείτου) Ἡρακλείδου μερίδος
παρὰ Μάρκου Λουκρητίου Διογένους Ἀντινοέως. οὗ ἐπέδωκα Κλαυδίῳ Ἑρεννιανῷ τῷ κρατίστῳ δι[καιοδότῃ διέπο]ντι καὶ τὰ κατὰ τὴν ἡγεμονίαν
βιβλιδίου καὶ ἧς ἔτυχον ὑπογραφῆς ἀντίγραφον ὑπόκειται, καὶ ἀξιῶ τὰ ἀκόλουθα πραχθῆναι, ἐπιτρόπον καταστῆσαί σε τοῖς ὑ(*)[πογεγραμμέν]οις ἀφήλιξι
ἰς(*) τὸ μηδὲν αὐτοῖς παραπολέσθαι, τοῖς νόμοις ἀκολούθως. ἐστὶ δέ· Τιβερίῳ Κλαυδίῳ Ἑρεννιανῷ τῷ κρατίσ[τῳ δικαιοδότῃ δι]έποντι καὶ [τὰ κατὰ] τὴν
5ἡγεμονίαν ἐκ θείας κελεύσεως, παρὰ Μάρκου Λουκρητίου Διογένους Ἀντινοέως. δέησιν ἁρμόζου̣[σαν] τῇ σῇ καλοκαγαθειαν(*) προσφέρει[ν μέλλων, ἐν ἐλπίδι εἰ-]
μὶ τῶν ἀπὸ σοῦ δικαίων τυχεῖν. τὸ π̣ρᾶ[γμα] διὰ βραχέων̣ ὁ̣ριῶ. τῷ διεληλυθότι μηνὶ Φαῶφ[ι ἡ ἀδελ]φ[ή] μου Ὀκταουία Λουκρη[τία ἐτε-]
λεύτησεν ἀδιάθετος ἐπὶ κληρονόμοις τρισὶν υ(*)ἱοῖς ἐκ διαφόρων γάμων, Μάρκοις Αὐρηλίοις Ἰουλᾷ καὶ [Λουκρητίῳ καὶ Ῥού]φῳ ἀφήλιξι. ὁ μὲν
οὖν εἷς αὐτῶν Ἰουλᾶς ὑποσχείριός(*) ἐ[στι τ]ῷ ἰδ[ί]ῳ πατρὶ Μάρκῳ Αὐρηλίῳ Ἥρωνι. ἀπέ[λαβεν οὖ]ν τὸ ἐπιβάλλον αὐτῷ μέρος τῶν ἀπολελιμμένων.
οἱ δὲ ἕτεροι ὁ μὲν Λουκρήτιος ἀπάτωρ γεγ[ένη]ται, τοῦ δὲ Ῥούφου ὁ πατὴρ ἐτελεύτησεν, καὶ οὐδὶς(*) αὐτοῖς ὑ̣[π]άρχει ἐνγυτέρω γένι(*) ἢ ἐγὼ [Λουκρήτι-]
10ος Διογένης, διʼ οὕσπερ τήνδε τὴν δεουσαν(*) ποιοῦμαι, καὶ παρακαλῶ, ἐάν σου τῇ τύχῃ δόξῃ, κελεῦ[σαι γράψαι διʼ ὑπο]γραφῆς τῷ τῆς Ἡρα-
κλείδου μερίδος τοῦ Ἀρσινοείτου νομ[οῦ στρ]ατηγῷ, ἔνθα ἐστὶν αὐτῶν τὰ πράγμα[τα, καταστ]ῆσαί με ἐπίτροπον τῆς ὀρφανείας(*) τῶν παί-
δων, ἵνα δυνηθῶ τὴν διοίκησιν τῶν καταλειφθέντων αὐτοῖς ποιήσασθαι, πρὸς τὸ ταῦτα φυλαχθῆναι αὐτοῖς ἰς(*) τελείωσειν(*).
διευτύχει. Μάρκος Λουκρήτιος Δι[ογ]έν[ης Μάρκου] Αὐρηλίου Σαραπίωνος ἐπιδέδωκα. ὁ στρατηγὸς πρὸ ὀφθαλμ[ῶν] ἔχων τὸν ἴδιον κίν-
δυνον ἐπίτροπον τοῖς ἀφήλιξι καταστῆσαι φροντιεῖ. κολλημάτων(*) ξη. (hand 2) Λουκρήτι[ος - ca.9 -]
15(hand 1) (ἔτους) δ αὐτοκράτορος Καίσαρος Μάρκου Αὐρηλίου Σεουήρου Ἀλεξάνδρου εὐσεβοῦς εὐτυχοῦς [σεβαστοῦ Τ]ῦβι ιζ.

Apparatus


^ 3. ϋ[πογεγραμμεν]οισ papyrus
^ 4. l. εἰς
^ 5. l. καλοκἀγαθίᾳ
^ 7. ϋιοισ papyrus
^ 8. l. ὑποχείριός
^ 9. l. οὐδεὶς
^ 9. l. γένει
^ 10. l. δέησιν
^ 11. l. ὀρφανίας
^ 12. l. εἰς
^ 12. l. τελείωσιν
^ 14. or κολλη(μάτων)

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.