Papyri.info

sign in

sb.4.7464trpl = HGV SB 4 7464 = Trismegistos 14020



DDbDP transcription: sb.4.7464trpl [xml]

AD248 Arsinoite

Αὐρηλίωι Μαρκιανῶι (ἑκατοντάρχωι)
παρὰ Αὐρηλίου Σαραπίωνος Πάσει(*) ἀπὸ κώμης Φιλαδελ-
φείας· ὕβρεως οὐδὲν οὔτε δεινότερον οὔτε χαλεπώ-
τερον· εἰς τοῦτο γὰρ ἡλικίας ἐλθών, ὀγδοηκοστὸν καὶ
5πρὸς ἐνιαυτὸν(*) γενόμενος, ἀμέμπτως ὑπηρετῶ
ἀραβοτοξότης ὤν· χοίρου(*) ὑὸς(*) ἀποπλανηθείσης
τῆς θυγατρός μου ἐν τῇ κώμῃ καὶ ὀνομαζομένης
ὡς παρὰ Ἰουλίωι στρατιώτῃ, προσῆλθον αὐτῷ
αἰτήσων ὅρκον περὶ τούτου· ὃς λαβόμενός μου
10τοῦ πρεσβύτου ἐν τῇ κώμῃ μεσούσης ἡμέρας, ὡς
οὐκ ὄντων νόμων, πληγαῖς με ᾐκίσατο, παρόντων
Νεπωτιανοῦ ἐπιτρόπου τοῦ διασημοτάτου Οὐαλερίου
Τιτανιανοῦ καὶ Μαύρου καὶ Ἀμμωνίου ἀραβοτοξοτῶν,
ὡς, ἀγανακτησάντων αὐτῶν ἐπιπλησσομένου̣ μ̣ο̣υ̣,
15διαλῦσαι ἡμᾶς, καὶ μόλις ἐπικερδᾶναι ψυχῆς̣(*)
ἐπιβουλήν̣(*)· ἀνανκαίως(*) τὴν ἐπίδοσιν τῶν βιβλιδίων ποι-
οῦμαι καὶ ἀξιῶ ἀχθῆναι αὐτὸν πρὸς τὸ τὰ τολμηθέν-
τα ἐκδικίας τυχεῖν καὶ μένη(*) μοι ὁ λόγος· διευτύχει·
Σαραπίων ὡς (ἐτῶν) πδ, οὐλὴ γόνατι δεξιῷ.
20(ἔτους) κϛ Αὐτοκρατόρων Καισάρων Μάρκων
Ἰουλίων Φιλίππων Εὐσεβῶν Εὐτυχῶν Σεβαστῶν, Ἁθὺρ κϛ.

Apparatus


^ 2. or Φάσει
^ 5. or ἐννιαυτόν
^ 6. or χύρου
^ 6. l. υἱὸς
^ 15. or ψυχὴν
^ 16. corr. ex επιβουλης (or ἐπιβουλή)(*)
^ 16. l. ἀναγκαίως
^ 18. l. μένει

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.