Sheet from a papyrus codex preserving Iliad 10 Digital Corpus of Literary Papyri 61101 61101 2238 61101 bkt;9;31 00855.200

© Digital Corpus of Literary Papyri. This work is licensed under a Creative Commons Attribution 3.0 License .

Berlin, Ägyptisches Museum P. 21130 papyrus 8.2 21.3

papyrus codex (columns: 1, pagination: 0)

 Fundort: Hermopolis (Hermopolites, Egypt) - 1906; Schreibort: Egypt 500 - 599

Hermopolites Egypt Hermopolis

Egypt

This file encoded to comply with EpiDoc Guidelines and Schema version 8 http://www.stoa.org/epidoc/gl/5/

classical literature poetry epic English Greek Finalized - This is good to go. Finalized - This is good to go. Vote - Accept-Straight-to-Finalization - This is good. Minor tidying needed. META: Hermopolis is Pleiades georef (https://pleiades.stoa.org/places/756574); ‘found’ in 1906; TEXT: dot tau in r.4; dot kappa in r.5; dot the nu of r.14 and scribal grave on omega at start of r.15; dot epsilon in r.24; r.3 and v.27-28 are lost lines; also dot nu sigma rho of Nestor in v.34; add nu to end of v.36; at end of v.38 encode ἵ(¨)κει;*high-punctus*; dot the eta in v.40; dot first epsilon in v.45; check throughout for Perseus : instead of · Vote - Accept-Straight-to-Finalization - This is good. Minor tidying needed. META: Hermopolis is Pleiades georef (https://pleiades.stoa.org/places/756574); ‘found’ in 1906; TEXT: dot tau in r.4; dot kappa in r.5; dot the nu of r.14 and scribal grave on omega at start of r.15; dot epsilon in r.24; r.3 and v.27-28 are lost lines; also dot nu sigma rho of Nestor in v.34; add nu to end of v.36; at end of v.38 encode ἵ(¨)κει;*high-punctus*; dot the eta in v.40; dot first epsilon in v.45; check throughout for Perseus : instead of · Crosswalked to EpiDoc XML
τὸν δ’ ἠμείβετ’ ἔπειτα Γερήνιος ἱππότα Νέστωρ˙ Ἀτρεΐδη κύδιστε ἄναξ ἀνδρῶν Ἀγάμεμνον ἐκτελέει, ὅσα πού νυν ἐέλπεται· ἀλλά μιν οἴω κήδεσι μοχθήσειν καὶ πλείοσιν, εἴ κεν Ἀχιλλεὺς ἐκ χόλου ἀργαλέοιο μεταστρέψῃ φίλον ἦτορ. σοὶ δὲ μάλ’ ἕψομ’ ἐγώ· ποτὶ δ’ αὖ καὶ ἐγείρομεν ἄλλους ἠμὲν Τυδεΐδην δουρὶ κλυτὸν ἠδ’ Ὀδυσῆα ἠδ’ Αἴαντα ταχὺν καὶ Φυλέος ἄλκιμον υἱόν. ἀλλ’ εἴ τις καὶ τούσδε μετοιχόμενος καλέσειεν ἀντίθεόν τ’ Αἴαντα καὶ Ἰδομενῆα ἄνακτα· τῶν γὰρ νῆες ἔασιν ἑκαστάτω, οὐδὲ μάλ’ ἐγγύς. ἀλλὰ φίλον περ ἐόντα καὶ αἰδοῖον Μενέλαον νεικέσω εἴ πέρ μοι νεμεσήσεαι, οὐδ’ ἐπικεύσω ὡς εὕδει, σοὶ δ’ οἴῳ ἐπέτρεψεν πονέεσθαι. νῦν ὄφελεν κατὰ πάντας ἀριστῆας πονέεσθαι λισσόμενος· χρειὼ γὰρ ἱκάνεται οὐκέτ’ ἀνεκτός. τὸν δ’ αὖτε προσέειπεν ἄναξ ἀνδρῶν Ἀγαμέμνων· ὦ γέρον ἄλλοτε μέν σε καὶ αἰτιάασθαι ἄνωγα· πολλάκι γὰρ μεθιεῖ τε καὶ οὐκ ἐθέλει πονέεσθαι οὔτ’ ὄκνῳ εἴκων οὔτ’ ἀφραδίῃσι νόοιο, ἀλλ’ ἐμέ τ’ εἰσορόων καὶ ἐμὴν ποτιδέγμενος ὁρμήν. νῦν δ’ ἐμέο πρότερος μάλ’ ἐπέγρετο καί μοι ἐπέστη· τὸν μὲν ἐγὼ προέηκα καλήμεναι οὓς σὺ μεταλλᾷς. ἀλλ’ ἴομεν· κείνους δὲ κιχησόμεθα πρὸ πυλάων
Ἀργείων, ὅτε κέν τιν’ ἐποτρύνῃ καὶ ἀνώγῃ. ἀμφὶ δ’ ἄρα χλαῖναν περονήσατο φοινικόεσσαν διπλῆν ἐκταδίην, οὔλη δ’ ἐπενήνοθε λάχνη. εἵλετο δ’ ἄλκιμον ἔγχος ἀκαχμένον ὀξέϊ χαλκῷ, βῆ δ’ ἰέναι κατὰ νῆας Ἀχαιῶν χαλκοχιτώνων. πρῶτον ἔπειτ’ Ὀδυσῆα Διὶ μῆτιν ἀτάλαντον ἐξ ὕπνου ἀνέγειρε Γερήνιος ἱππότα Νέστωρ φθεγξάμενος· τὸν δ’ αἶψα περὶ φρένας ἤλυθ’ ἰωή, ἐκ δ’ ἦλθε κλισίης καί σφεας πρὸς μῦθον ἔειπεν· τίφθ’ οὕτω κατὰ νῆας ἀνὰ στρατὸν οἶοι ἀλᾶσθε νύκτα δι’ ἀμβροσίην, ὅ τι δὴ χρειὼ τόσον ἵκει; τὸν δ’ ἠμείβετ’ ἔπειτα Γερήνιος ἱππότα Νέστωρ· διογενὲς Λαερτιάδη πολυμήχαν’ Ὀδυσσεῦ μὴ νεμέσα· τοῖον γὰρ ἄχος βεβίηκεν Ἀχαιούς. ἀλλ’ ἕπε’, ὄφρα καὶ ἄλλον ἐγείρομεν ὅν τ’ ἐπέοικε βουλὰς βουλεύειν, ἢ φευγέμεν ἠὲ μάχεσθαι. ὣς φάθ’, ὃ δὲ κλισίην δὲ κιὼν πολύμητις Ὀδυσσεὺς ποικίλον ἀμφ’ ὤμοισι σάκος θέτο, βῆ δὲ μετ’ αὐτούς. βὰν δ’ ἐπὶ Τυδεΐδην Διομήδεα· τὸν δ’ ἐκίχανον ἐκτὸς ἀπὸ κλισίης σὺν τεύχεσιν· ἀμφὶ δ’ ἑταῖροι εὗδον, ὑπὸ κρασὶν δ’ ἔχον ἀσπίδας· ἔγχεα δέ σφιν ὄρθ’ ἐπὶ σαυρωτῆρος ἐλήλατο, τῆλε δὲ χαλκὸς λάμφ’ ὥς τε στεροπὴ πατρὸς Διός· αὐτὰρ ὅ γ’ ἥρως
Homerus Ilias 10 102-126 and 10 130-154
Festschr. 150 Berlin, pl.61d BKT 9, pl.15
606 31 375 12