Papyri.info

sign in

p.cair.isid.105 = HGV P.Cair. Isid. 105 = Trismegistos 10315 = oxford-ipap.apis.108



DDbDP transcription: p.cair.isid.105 [xml]

AD 296 Karanis

Αὐρήλιοι Ταῆσις καὶ Ἀλλοῦς ἀμφότεραι̣ Κοπρῆ μη(τρὸς)
Σαραπιάδος καὶ Κάστωρ καὶ Χαιρήμων καὶ Κλημεντῖνα
οἱ τρῖς(*) Πτολεμαίου μη(τρὸς) Ταήσεως οἱ πάντες ἀπὸ κώμης
Καρανίδος ἀλλήλοις ⁦ vac. ? ⁩ χαίρειν. ἐπιδὴ(*) κατελιπη(*) ἡμῖν ἀπὸ
5κληρονομίας τοῦ πατρὸς κοπτοῦραι δύο , ἐκληρώθημεν δὲ
ἐγὼ ἡ Κλημεντῖνα καὶ Κάστωρ κοπτούραν μίαν , ἐγὼ
δὲ ὅ τε Χαιρήμων καὶ Ταῆσις καὶ Ἀλλοῦς τὴν παρὰ σοὶ τῷ
Χαιρήμονι κοπτούραν μίαν , ὡς εἶναι ἑκάστῳ ἥμισυ μέρος,
{καὶ} ὁμολογοῦμεν κατὰ τήνδε τήν ἀσφάλειον ἐφʼ ο(*) ἐάν τις
10ἐπέλθῃ ταύτης τῆς κοπτούρας τῆς παρὰ σοὶ τῷ Χαιρήμο-
νι ἕνεκαν(*) ἡμῖς(*) τὰ τέσσερα μέρη κοινῶς ἐξ ἴσου ἀποστή-
σομεν τὸν ἐπερχόμενον ἐκ τῶν ἰδίων ἀναλωμάτων
[ἐ]ξουσίας ὑμῖν σύσης(*)ταῖς περὶ Ταῆσιν καὶ Ἀλλοῦν κρα-
τῖν(*) καὶ κυριεύειν τοῦ ἐπιβάλλοντος ὑμῖν ἡμίσους μέρους
15καὶ διοικεῖν ὡς ἐὰν αἱρεῖσθαι(*) ?. καὶ ἐπερω(τηθέντες) ὡμολογ(ήσαμεν).
(hand 2) Αὐρήλιαι Ταῆσις καὶ Ἀλλοῦς συνεθέμεθα ἐπὶ πᾶσι
καὶ ἔσχαμεν τὸ ἥμισυ μέρος τῆς κοπτούρης ὡς πρόκιται.
Αὐρήλιος Διόδωρος ἔγραψα ὑπὲρ αὐτῶν ἀγραμμάτων.
(hand 3) Αὐρήλιος Χαιρημν(*) συνεδέμην(*) ὡς πρόκιται. (hand 4) Αὐρήλιοι Κάστωρ
20καὶ Κλημεντῖνα συνεθέμεθα ὡς πρόκιτε(*). Αὐρήλιος Πωλίων
ἔγραψα ὑπὲρ αὐτῶν ἀγραμάτων(*).
(hand 1) (ἔτους) β τοῦ κυρίου ἡμῶν Λουκίου Δομιτίου
Δομιτιανοῦ Σεβαστοῦ Ἁθὺρ κζ.

Apparatus


^ 3. l. τρεῖς
^ 4. l. ἐπειδὴ
^ 4. l. κατελίπησαν
^ 9. l. ᾧ
^ 11. l. ἕνεκεν
^ 11. l. ἡμεῖς
^ 13. l. οὔσης
^ 13-14. l. κρα |τεῖν
^ 15. l. αἱρῆσθε
^ 19. l. Χαιρήμ<ω>ν
^ 19. l. συνεθέμην
^ 20. l. πρόκειται
^ 21. l. ἀγραμ<μ>άτων

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.