Papyri.info

sign in

p.enteux.22 = HGV P.Enteux. 22 = Trismegistos 3297



DDbDP transcription: p.enteux.22 [xml]

218BC Magdola
[Reprinted from: .] PLille2,32

r
βασιλεῖ Πτολεμαίωι χαίρειν Νίκαια Νικίου, Περσίνη. ὁ ἀνήρ μου Παυσα[νίας ἐτελεύτ]ησεν ἐν
τῶι κγ (ἔτει), καταλιπὼν διαθήκην τοῦ αὐτο[ῦ] ἔτους, μηνὸς Πανήμου [  ̣  ̣, διʼ ἧς   ̣  ̣  ̣  ̣  ̣]ν̣αιον τὸν
ἑαυτοῦ υἱὸν ἐπίτροπόμ(*) μου καταλείπει. συμβέβηκεν οὖν καὶ τούτον τελ[ευτῆσαι, (ἔτους)] δ, μηνὸς
Δαισίου Αἰγυπτίων δὲ Ἁθὺρ, συγγενῆ δέ με μηθένα ἔχειν ὃς ἐπιγραφήσεταί μο[υ κύριος. ἵνα οὖ]μ(*) μὴ παρὰ
5ταύτην τὴν αἰτίαν τὰ καταλελειμμένα μο[ι] ὑπὸ τοῦ τανδρὸς(*) καταφθ[α]ρῆι, [μὴ ἐχούσης] μου κύριον
μεθʼ οὗ τὰς περὶ τούτων οἰκονομίας θήσομαι, δέομαί σου, βασιλεῦ, πρ\ο/[στάξαι Διοφάν]ει τῶι στρατη-
γῶι δοθῆναί μοι κύριον Δημήτριον Θρᾶικα, τῶν Πτολεμαίου τοῦ Ἐτ[εωνέως τῆς   ̣] ἱπ(παρχίας) (ἑκατοντάρουρον), ὧι καὶ τὴν
ἀδελφὴν συνώικισεν(*) ὁ Παυσανίας, καὶ περὶ τούτων ἔγγραπτα ποιήσα[σθαι τὸν στρ]ατηγόν, ἵνα μοι
ὑπάρχηι ἐν χρηματισμῶι· καὶ ἐ̣π̣ε̣ι̣δ̣ή̣, πρεσβυτέρα τε οὖσα καὶ ἀ\σ̣/θ̣εν[ὴς γενο]μένη, οὐ δύναμαι
10παραγενέσθαι εἰς Κροκοδίλων πόλιν, ἀπέσταλκα δὲ ἐπιδώσοντα τ[ὴ]ν ἔντευξιν Δημήτριον τὸν
προγεγραμμένον, γράψαι Διοφάνην Διοσκουρίδει τῶι ἐπιστάτει(*) εἰκονογραφήσαντά με καὶ τὸν
κύριον ὃν αἰτοῦμαι, ἀναγράψαι Διοφάνε̣ι̣. τούτ[ων] γὰρ γενομένων, ἔσομαι τετευχυῖα, βασιλεῦ,
τῆς παρὰ σοῦ φιλανθρωπίας. ⁦ vac. ? ⁩ εὐτύχει.
⁦ vac. ? ⁩
(hand 2) Διοσκουρίδει. παραλαβών τινας τῶν ἐκ τῆς κώ(μης) πρεσβυτέρων εἴσελθε πρὸς τὴν \Νίκαιαν/ ⟦ἄνθρωπον⟧ καὶ ἐὰν
15[⁦ -ca.?- ⁩]  ̣ει̣ω̣ν τὰς εἰκόνας διασάφησον ἡμῖν.
(ἔτους) δ, Δαισίου κζ, Ἁθὺρ κθ.
v
(ἔτους) δ, Δαισίου κζ,Ἁθὺρ κθ
Νίκαια Νικ[ί]ου Περσίνη
περὶ ὧν ἀξιοῖ

Apparatus


^ r.3. l. ἐπίτροπόν
^ r.4. l. [οὖ]ν
^ r.5. l. ἀνδρὸς
^ r.8. l. συνῴκισεν
^ r.11. l. ἐπιστάτηι

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.