Papyri.info

sign in

p.grenf.2.82 = HGV P.Grenf. 2 82 = Trismegistos 22638



DDbDP transcription: p.grenf.2.82 [xml]

ca. AD 400 Hermoupolis Magna

r
κυριω(*) μου [ἀδ]ελφοῖς(*) Βίκτωρι καὶ Μαξίμῳ καὶ
Βίκτωρι ἑτέρῳ καὶ Θεωνᾷ Βίκτωρ καὶ Κολλοῦθος(*)
κεφαλαιωταὶ τοῦ(*) ἡγεμονικοῦ πολυκώπου
[τ]οῦ ὑπὸ Ἀπίωνιος(*) ἀρχικυβερνήτου χαίρειν.
5οὐ καλῶς ἐποιήσατε οὔτε ἀκίνδυνον ὑμῖν ἦν
κατασχοντε(*) τὸν ἡμέτερον ἐρέτην(*) Σεννούθην
ἐκ πατρὸς Β̣[ί]κ̣τορος Ἑρμοπολείτην(*) λειτουργίας
ἕνεκα οὐ προσηκούσης αὐτῷ. τοῦ γὰρ πατρὸς αὐτοῦ
λειτουργοῦντος ἐκ πολλοῦ τοῦ(*) χρόνου εἰς τὸ αὐτὸ
10πολύκωπον καὶ μισθοὺς χορηγοῦντος ὑπὲρ ἰδίας
κεφαλῆς καὶ συντελοῦντος ἡμῖν ἐκ πατρῷας αὐτο[ῦ]
διαδοχῆς, ὑπάρχει ἡμῖν ἐρετην(*) τοῦ αὐτοῦ πολυκώπου
ὁ κατασχεθεὶς παρʼ ὑμῶν. ὅθεν εἰδότες τὸ γεγονὸς
ἄτοπον, σπουδάσατε τοῦτον ἀπολῦσαι καὶ φυλάττειν
15τῇ τηλικαύτῃ(*) ἀρχοντικῇ ὑπηρεσίᾳ, εἴ γε βούλεσθε
ἔχθραν μεγάλην περιγράψαι. εἰ ⟦γαρ⟧ δὲ οὖν ἐπιμένητε
τῇ αὐτῇ ἐπηρίᾳ(*), μεταγνῶναι ἔχετε ὥστε καὶ
ἀγανακτήσεως δικαστικῆς πειραθῆναι, οὐδὲν δὲ
ἧττον καὶ ζημίας ὑφί(*)στασθαι. βούλεσθε οὖν τὸν
20κατασχεθέντα πάσης ἐπηρίας(*) ἀπαλλάξαι, εἰδότες
τὴν ἀκαλουθίαν(*)· πεισθέντων γὰρ ὑμῶν τούτοις
ἡμῶν τοῖς γράμμασιν, νομίζομεν ὅτι δυνάμεθα
[καὶ αὐ]τοὶ(*) χρησιμεύειν ὑμῖν ἐν τῇ τάξει εἰς ὃ ἐὰν
[βουλη]θῆτε ἐπὶ τόπων. ἐρρῶσθαι ὑμᾶς
25εὔχομαι πολλοῖς
χρόνοις.
{ἐρρῶσθαι ὑμᾶς
εὔχομαι πολλοῖς
χρόνοις}.
v
30ἀπόδ(ος) Βίκτορι καὶ Μαξίμῳ καὶ Βίκτορι ἑτέρῳ καὶ Θεωνᾷ [- ca.10 -]
[- ca.10 -] καὶ Βίκτορος καὶ Κολλούθου κεφαλαιωτ(ῶν)(*).

Apparatus


^ r.1. l. κυρίοις
^ r.1. BL 1.192 : [ἀδ]ελφῷ prev. ed.
^ r.2. BL 1.192 : Κολλούθου prev. ed.
^ r.3. BL 1.192 : κεφαλαιοτάτου prev. ed.
^ r.4. l. Ἀπίωνος
^ r.6. l. κατασχόντε<ς>
^ r.6. corr. ex αιρετην
^ r.7. l. Ἑρμοπολίτην
^ r.9. BL 1.192 : prev. ed.
^ r.12. corr. ex
^ r.12. l. ἐρέτης
^ r.15. BL 1.192 : τηλικούτῃ prev. ed.
^ r.17. l. ἐπηρείᾳ
^ r.19. υφϊστασθαι papyrus
^ r.20. l. ἐπηρείας
^ r.21. l. ἀκολουθίαν
^ r.23. BL 1.192 : [  ̣  ̣  ̣  ̣  ̣]οι prev. ed.
^ v.31. BL 1.192 : κεφαλαιωτ(άτων) prev. ed.

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.