Papyri.info

sign in

p.petaus.18 = HGV P.Petaus 18 = Trismegistos 8811



DDbDP transcription: p.petaus.18 [xml]

AD185 Ptolemais Hormou
[Reprinted from: .] vidPPetaus19

Ἑρμόφιλος βασιλ(ικὸς) γραμματεὺς Ἀρσι(νοίτου) Ἡρακλ[είδο]υ μερίδος κωμογρα(μματεῖ) Πτολ(εμαίδος)
Ὅρμου χαίρειν. τοῦ ἐπισταλέντος μοι ὑ(*)πὸ τοῦ τῆς μερίδος στρα(τηγοῦ)
Ἀπολλωνίου ἐπιστάλμ(ατος) ἐξ ὀνόματος Ἰσχυρί[ω]νος τοῦ καὶ Ἀρτεμᾶ Σαβείνου
βουλ(ομένου) ὠνήσασθαι ἀπὸ χέρσ(ου) ἀμπέλ(ου) ὑπολ(όγου) περὶ τὴν προκειμ(ένην) κώμ(ην) εἰς κατάθεσιν
5λαχανείας καρτῆς (ἀρούρης) ιϛ´ λβ´ τὸ ἀντίγ̣ρ̣α(φον) ἐπιστέλλετε(*)(*)να γενόμ(ενος) ἐπὶ τὸν
τόπον καὶ ἀκολ(ούθως) πράξας δηλώσῃς μοι ὡς τοῦ λόγου καὶ κινδύνου
πρὸς σὲ ὄντος ἐάν τι μὴ δεόντως γένηται. (hand 2) ἐρρῶ(σθαί) σε εὔχο(μαι). διʼ Ἀουι(*)ολᾶ τοῦ
καὶ Διονυσοδ(ώρου) βοηθ(οῦ).
(hand 1) (ἔτους) κε Αὐρηλίου Κομμόδου Ἀντωνείνου Καίσαρος τοῦ κυρίου Παχὼν κ.
10(hand 3) Ἀπολλώνιος στρα(τηγὸς) Ἀρσι(νοίτου) Ἡρακλείδου μερίδος Ἑρμοφίλωι
βασιλ(ικῷ) γρα(μματεῖ) τῆς αὐτῆς μερίδος τῶι φιλτάτωι χαίρειν.
τῶν δοθέντων μοι βιβλιδίων παρά τινων βουλομένων
ὠνήσασθαι ἃ μὲν ἐκ τῆς τοῦ ἰδίου [λό]γου ἐπιτροπῆς, ἃ δὲ ἀπὸ
ὑπολόγου, τὰ διʼ αὐτῶν δηλούμενα ὑπάρχοντα τὰ ἀντίγρα-
15φα ἐπιστέλλεταί σοι, φίλτατε, ἵνʼ [εἰ]δῇς καὶ τὰ ἴδια μέρη
ἀναπληρώσῃς. ἐρῶσθ(αί)(*) σε εὔχο(μαι), φίλτατε.
(ἔτους) κε Αὐτοκράτορος Καίσαρος Μάρκ[ο]υ Αὐρηλίου Κομμόδου
Ἀντωνείνου Σεβαστοῦ Εὐσεβοῦς Ἀρμενι[α]κοῦ Μηδικοῦ Παρθικοῦ
Γερμανικοῦ Σαρματικοῦ Βρεντανικοῦ(*) Μεγίστου Παχὼν κ.
20ἔστι δὲ ἀριθμῶι πέντε .
Ἀπολλωνίῳ στρα(τηγῷ) Ἀρσι(νοίτου) Ἡρ[α]κλείδου μερίδος
παρὰ Ἰσχυρίωνος τοῦ καὶ Ἀρτεμᾶ Σαβείνου τῶν ἀ[πὸ κώμης]
Πτολεμαίδος Ὅρμου. βούλομαι ὠνήσασθαι ἀπὸ χ[έρσ(ου)] ἀμπ(έλου)
ὑπολόγου περὶ τὴν προκειμένην κώμην ἀπὸ [προ]σδόσεω(ς)
25ἐχ[ρ]ηματος(*) διακόπου εἰς κατάθεσιν λαχανείας [κ]αρτῆς
(ἀρούρης) ιϛ´ λβ´, γί(τονες)(*) νότο(υ) καὶ λιβὸς διάκοπος, [βορ]ρᾶ διῶρυξ Π[ρ]ώτης
[λεγ]ομ(ένη), ἀπηλ(ιώτου) ἐμοῦ Ἰσχυρίωνος ἄμπ(ελος), τειμ(ῆς)(*) ὡς τῆς (ἀρούρης) ἐκ (δραχμῶν) νβ καὶ
τῶν ἑπομ(ένων), ἐφʼ ᾧ παραδ[ι]χθ(*)(εὶς) διαγράψω τὴν τει(μὴν)(*) καὶ τὰ ἑπό(μενα) ἐπὶ
τὴν δημ(οσίαν) τράπ(εζαν). \ἕξω δὲ εἰς κατεργ(ασίαν) καὶ ἀνάκ(τησιν) ἀτέλ(ειαν) [(ἔτη)] γ μεθʼ ἃ τελέσω τὰ ἐπὶ τῶν ὁμ(οίων) παραδ(εισιακὰ) τ(ελέσματα)/. μενεῖ δέ μοι καὶ ἐνγό[ν]οις καὶ τοῖς παρʼ ἐμοῦ μετα-
30λημψομένοις ἡ τούτ[ου κρ]άτησις καὶ κυρία ἀναφαίρετος ἐπὶ τὸν
ἀεὶ χρόνον καὶ βεβαιωθήσεταί μοι καθαρὸν ἀπὸ δημοσίων
πάντων καὶ παντὸς εἴδ[ους] μέχρι τοῦ τῆς παραδίξεως(*) χρόνου,
ἐὰν φαίνηται ἐπιστα[λῆν]αι.

Apparatus


^ 2. ϋπο papyrus
^ 5. l. ἐπιστέλλεται
^ 5. ϊνα papyrus
^ 7. αουϊολα papyrus
^ 16. l. ἐρρῶσθ(αί)
^ 19. l. Βρεττανικοῦ
^ 25. l. ἐκ[ρ]ήγματος
^ 26. l. γεί(τονες)
^ 27. l. τιμ(ῆς)
^ 28. l. παραδειχθ
^ 28. l. τι(μὴν)
^ 32. l. παραδείξεως

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.