Papyri.info

sign in

p.sakaon.44rpdupl = HGV P.Sakaon 44 = Trismegistos 13063



DDbDP transcription: p.sakaon.44rpdupl [xml]

AD331/2 Theadelphia
[Reprinted from: .] rp=PThead17;dupl=PTurner44

Φλαυουι(*) Ὑγίνῳ τῷ διασημ[ο]τάτῳ ἐπάρχῳ Αἰγύπτου
παρὰ τοῦ κοινοῦ τῶν ἀπὸ κώμης Φιλαδελφίας ὀγδόου πάγου τοῦ Ἀρσινοεί-
του διʼ ἡμῶν Ἥρωνος καὶ Σακαῶνος καὶ Καναῦ(*). τρῖς(*) ἐσμεν, οἱ προκίμενοι,
ἐν τῇ κώμῃ, ἔπαρχε δέσποτα, οἵτεινες(*) εἰσφέρομεν ὑπὲρ ὅλης τῆς κώμης
5ἀρουρῶν πεντακοσίων, καὶ μηδὲ συνπροχιζομένων(*), καὶ τοῦ κατʼ ἄνδρα
σὺν σαμιακοῖς(*) ἀνδράσι εἴκοσι πένται(*) · ὡς ἐκ τούτου πάνοι(*) τὴν κώμην ἡμῶν
εἰς τενοκομιδὴν(*) ἐλθῖν(*). πρὸς ἀναζήτησιν δὲ ἐγενόμεθα τῶν ὁμοκομητῶν
ἐπὶ τῷ Ὀξυρυγχείτῃ καὶ κατελαβόμεθα ἐν ἐποικίῳ Εὐλογίου υἱῶ(*) Νίδα τῶν ἀπὸ
Σερήνου προβόλους ἄνδρας πένται(*) , Διονύσιον καὶ {καὶ Σουχ}⟦ειδᾶν⟧ καὶ Ὧρ καὶ Ἄμμω-
10να καὶ Σουχειδᾶν καὶ Ἀπὸλ καὶ Σαββαῖον μετὰ τῶν γενῶν, καὶ ὁ τούτων γεο[ῦ-]
χος Εὐλόγι̣ο̣[ς] ἅμα Ἀρείωνι ἀμπελουργῷ καὶ Σεραπίωνι γεωργῷ οὐκ ἐπέτ[ρε-]
ψαντο οὔτε τῆς [θ]ύ̣ρας τοῦ ἐποικίου ἐνγίσαι μεθʼ ὕβρεων. ἔτι δὲ καὶ εὕραμ(εν)
ἐν τῷ ⟦αὐτῷ⟧ \Κυνοπολίτῳ/ νομῷ ὁμοκωμήτας τρῖς(*) παρατάς(*), Γερόντιον καὶ Παθαῦ καὶ Ἥρω-
να, ἔχοντας ὅλας βασιλικῆς ἀρούρας ἑκατὸν καὶ πρός. διὰ τοῦτο δεόμεθα τῆς
15σῆς ἐξο̣υσίας, ἄνθρω̣ποι μέτριοι καὶ μονήρις(*), προστάξε(*) τῷ τὰ εἰρηνικὰ ἐν̣πε-
πιστευ̣μένῳ τοὺς [ὁ]μοκομήτας ἡμῖν παραδοῦναι μετὰ τῶν γενῶν εἵνα(*) δυ-
νηθῶμεν {μετὰ τῶν γενῶν εἵνα δυνηθῶμεν} διὰ ταύτης τῆς παραμυθίας
στῆνα̣ι ἐν τῇ κώμῃ καὶ διὰ παντὸς τῇ λαμπρᾷ σου τύχῃ χάριτας ὁμολο(γήσομεν). ⁦ vac. ? ⁩ διευτύχει.
(hand 2) Αὐρ(ήλιοι) Σακαῶν καὶ Ἥρων καὶ Καναοῦγ ἐπιδεδώκαμεν.
20⁦ vac. ? ⁩ Αὐρ(ήλιος) Μαξέ̣ν̣τ̣ι̣ος ἔγρ(αψα) ὑ(πὲρ) αὐτῶν [γράμ(ματα)] μὴ εἰδ(ότων).

Apparatus


^ 1. l. Φλαουί<ῳ>
^ 3. καναϋ. papyrus
^ 3. l. τρεῖς
^ 4. l. οἵτινες
^ 5. l. συνβροχιζομένων
^ 6. l. ταμιακοῖς
^ 6. l. πέντε
^ 6. l. πάνυ
^ 7. l. <σ>τενοκομιδὴν
^ 7. l. ἐλθεῖν
^ 8. l. υἱοῦ
^ 9. l. πέντε
^ 13. l. τρεῖς
^ 13. l. περατάς
^ 15. l. μονήρεις
^ 15. l. προστάξαι
^ 16. l. ἵνα

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.