Papyri.info

sign in

psi.12.1253 = HGV PSI 12 1253 = Trismegistos 17415



DDbDP transcription: psi.12.1253 [xml]

AD186 Oxyrhynchus

[Σπαρ]τᾶς Παυσανίου τοῦ Σαραπίωνος μητρὸς Διδύμης
γυμνασιαρχήσας τῆς Ὀξυρυγχειτῶν πόλεως Μάρ-
κῳ [Αὐ]ρηλίῳ Κτησιδήμ̣ου τῷ καὶ Διονυσίῳ ἐξηγη-
τ[εύσαν]τι τῆς αὐτῆς πόλεως καὶ ὡς χρηματίζει
5χαί[ρει]ν̣. ὁμολ̣ογῶ ἔχειν παρὰ σοῦ ἐξ οἴκου σου ἀργυρίου
σεβ[α]σ̣τοῦ ν[ο]μίσματος δραχμὰς μυρίας δισχει-
λίας(*) ,000 [α]ἵ εἰσιν [ἀ]ργυρίου τάλαντα δύο , ἃ καὶ ἀποδώσω σοι
μέχ̣ρι τριακάδος Φαῶφι τοῦ εἰσιόντος ὀγδόου
καὶ [ε]ἰκοστοῦ ἔτους, τόκου̣ τετρωβολείου̣ ἑκάσ-
10τῆ[ς] μνᾶς τοῦ μηνὸς ἑκάστου ἀπὸ τοῦ ὄντος μη-
νὸ[ς] Ἁθὺρ τοῦ ἐνεστῶτος ἑβδόμου καὶ εἰκοστοῦ
ἔτους Αὐρηλίου Κομμόδου Ἀντωνίνου Καίσαρος
τοῦ κυρίου. ἐὰν δὲ μὴ ἀποδῶ καθὰ γέγραπται,
ἐκχ̣τίσω(*) σοι τὸ μὲν προκείμενον κεφάλειον(*) με-
15θʼ ἡμιολίας, καὶ τόκον τοῦ ὑπερπεσόντος χρό-
νου τὸν αὐτὸν τετρωβόλειον, γινομένης
σο[ι] τῆς πράξεως ἔκ τε ἐμοῦ καὶ ἐκ τῶν ὑπαρ-
χόντων μοι πάντων καθάπερ ἐκ δίκης.
κ̣υ[ρ]ία ἡ ἰδιόγραφός μου χεὶρ τοῦ Σπαρτᾶ
20δι[σ]σ̣ὴ γραφεῖσα παν[τ]αχῇ ἐπιφερομένη καὶ παν-
τὶ τῷ ὑπὲρ σοῦ ἐπιφέροντι. ἔτους ἑβδόμου
κα[ὶ] εἰκοστοῦ Αὐτοκράτορος Καίσαρος Μάρκου
Α[ὐ]ρηλίου Κομμόδου Ἀντωνίνου εὐσεβοῦς
εὐτυχοῦς σεβαστοῦ Ἀρμενιακοῦ Μηδικοῦ
25Π[αρ]θικοῦ Σαρματικοῦ Γερμανικοῦ μεγίστου
Βρε̣τανικοῦ, Ἁθὺρ πεντεκαιδεκάτῃ.

Apparatus


^ 6-7. l. δισχι|λίας
^ 14. l. ἐκτείσω
^ 14. l. κεφάλαιον

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.