Papyri.info

sign in

bgu.3.999 = HGV BGU 3 999 = Trismegistos 127



DDbDP transcription: bgu.3.999 [xml]

99 BC Pathyris

1
βασιλευόντων Πτ[ο]λεμ[α]ίο[υ] τ[ο]ῦ ἐπικαλουμένου Ἀλεξάνδρου καὶ Βερενίκης τῆς ἀδελφῆς θεῶν Φιλομητόρων
ἔτους ιϛ ἐφʼ ἱερείων(*) καὶ ἱερεῶν(*) καὶ κανηφόρου τῶν ὄντων καὶ οὐσῶν μηνὸς Θωὺθ γ ἐν Παθύρει ἐφʼ Ἑρμίου
τοῦ παρὰ Πανίσκου ἀγορανόμου.
ἀπέδοτο Εὔνους ὃς καὶ Νεχούτης Πατσεοῦς Πέρσης τῆς ἐπιγονῆς ὡς (ἐτῶν) ν μέσος μελίχρω(ς) τετανὸς μακροπρ(όσωπος)
5εὐθύριν οὐλὴ ὀδόντι ἄνω ἀπὸ τῆς ὑπαρχούσης αὐτῷ οἰκίαν(*) ᾠκοδομημένης καὶ ἐστεγασμένης τῆς
οὔσης ἐν τῷ ἀπὸ νότου καὶ ἀπηλιώ(του) μέρει τῆς ἐν Παθύρει κρήνης τὸ ἐν τῷ ἀπὸ λιβὸς μέρει ὑπερων(*) α καὶ
τὸ ἐν ταυτης(*) κ̣α̣τάγα[ιο]ν ἧς γείτονες· νότου οἰκία Ὀρσηοῦς τοῦ Ὥρου βορρᾶ καὶ ἀπηλιώ(του) τὸ λοιπὸν τῆς Εὐνόου
οἰκίας λιβὸς ῥύμη ἐφ ᾧ ἀνύξει(*) τὴν θύραν εἰς το(*) Ὀρσηοῦς οἰκιας(*) ἢ οἳ ἂν ὦσι γείτονες πάντοθεν. ἐπρίατο
Πετεσοῦχος Νεχθανούπιος ὡς (ἐτῶν) λ χαλκοῦ δραχμὰς δισχιλίας . προπωλητὴς καὶ βεβαιωτὴς τῶν κατὰ
10τὴν ὠνὴν ταύτην [π]άντων Εὔνους ὃς καὶ Νεχούτης ὁ ἀποδόμενος, ὃν ἐδέξατο Πετεσοῦχος ὁ πριά-
μενος.
——
Ἑρμίας ὁ παρὰ Πανίσκου κεχρη(μάτικα).
2
ἔτους ιϛ Φαρμοῦ(θι) κα τέ(τακται) ἐπὶ τὴν ἐν Κρο(κοδίλων πόλει) τρά(πεζαν) ἐφʼ ἧ[ς]
Πανίσκος ι ἐγκυ(κλίου) κατὰ <τὴν παρὰ> {διαγρα(φὴν)} Πανίσκου τοῦ πρ[ὸς]
τῆι ὠνῇ διαγρα(φὴν) ὑφʼ ἣν ὑπογρά(φει) Ἀπολ[λ]ώ(νιος) [ὁ ἀντιγρα(φεὺς)]
ὠνη(*) Πετεσοῦχος Νεχθανού(πιος) ἥ(*)μισυ [οἰκ(ίας)]
5ᾠκοδο(μημένης) καὶ τεθυ(ρωμένης) ἐν τῆι κρήνῃ Π̣α̣θ̣ύ̣(ρεως) ὃν [ἠγόρα(σεν)]
παρʼ Εὐνουσ̣ο̣ς̣ τοῦ Πατσεοῦτος πρὸ̣ς̣ [χα(λκοῦ) (δραχμὰς) Β]
τέλ(ος) οὗ ἀλ(λαγὴ) (δραχμὰς) ρ (γίνονται) (δραχμαὶ) ρ.
Πανίσκος τρα(πεζίτης).

Apparatus


^ 1.2. l. ἱερέων
^ 1.2. l. ἱερειῶν
^ 1.5. l. οἰκίας
^ 1.6. l. ὑπερῷον
^ 1.7. l. ταύτῃ
^ 1.8. l. ἀνοίξει, C. Balamoshev (from image) (via PN) : ἐφʼ ὧν ὔξει (l. οἴξει) prev. ed.
^ 1.8. l. τὴν
^ 1.8. l. οἰκίαν
^ 2.4. l. ὠνὴν
^ 2.4. ἡμισυ papyrus

Editorial History; All History; (detailed)

Creative Commons License © Duke Databank of Documentary Papyri. This work is licensed under a Creative Commons Attribution 3.0 License.